l'istorgia

Sebastian vegn en dad isch cun ina chapitscha sin chau ed ina valisch en maun. «Hi mamma». Mamma: «Seba?! Tge fas ti qua?»
Seba va en cuschina e cloma sur il givè: «Bad news. Jau stoss puspè vegnir qua a star.»
Mamma metta en crusch la bratscha e guarda fitg sever, el fufrogna en frestgera e di: «Jau hai postà sin Instagram selfies da mai a la riva.»
Seba prenda uss ina stgatla cornflakes ord stgaffa e di: «Probablamain ha insatgi vis quai …»
«... e tscheccà che jau sun en vacanzas». Entant derscha Seba cornflakes en ina cuppa.
Cun la cuppa en maun va el en stiva e di: «Durant che jau era pia vi da lappar caipis …»,
«… ha quest tip rut en tar mai ed engulà mia playstation e mes flatscreen.» Seba tschenta in plimatsch sin il canapé.
Seba sesa patgific sin canapé – mamma dumonda: «E pertge vegns ti ussa puspè qua a star?»
«Per quai qua», di Seba cun ils pes sin la maisa-stiva ed envida cun il telecumond la tele.