l'istorgia

Bab, mamma e figl: il bab lia la cravatta a Max, mamma fa ina foto. Ella conferma ad el ch’el vesia ora super.
Ils geniturs contemplan Seba en tschop e cravatta. Bab di: «Uschia survegns ti segir il job.»
Durant il discurs da preschentaziun: il schef da persunal di a Seba: «Vus avais fitg bunas qualificaziuns, signur Webster.»
«Mo ina chaussa ans fa quitads …», cuntinuescha el ed envida il beamer. Seba cumenza a suar.
Da davosvart: «... Voss maletgs da party sin facebook». Ins vesa Seba cun collegas a la riva, alcoholisà e fimond hasch.
Segund maletg: Seba baiva giaschend per plaun or d’ina but da biera. Da davosvart: «Da quella glieud na pudain nus betg duvrar qua.»
Puspè a chasa. Mamma avra l’isch: «E lura? Co èsi stà?» Il figl lascha pender il chau: «Penibel.»
Seba di a sia mamma: «Pos ti postar sin facebook la foto che ti has fatg oz da mai?»
El ha fatg liber la cravatta e di: «Lura datti almain ina fotografia seriusa da mai en l’internet.»